کاشیوا: پولیس نے منگل کو کہا کہ کاشیوا، صوبہ چیبا کے ایک ڈیپارٹمنٹ اسٹور سے ایک مردہ بلی اور مردہ کبوتر ملے ہیں۔
پولیس کے مطابق، یہ دریافت ایک خریدار نے پیر کو شام 8:20 کے قریب کی۔ فُوجی ٹی وی کے مطابق، یہ بلی اور پرندہ جس متحرک زینے سے ملے وہ کاشیوا تاکاشیمایا اسٹیشن مال کی تیسری اور چوتھی منزلوں کو آپس میں ملاتا ہے۔
پولیس نے کہا، 10 جنوری کو اسی اسٹور میں اسی طرح کا واقعہ پیش آیا تھا۔ اُس واقعے میں ایک بلی اور دو پرندے متحرک زینے پر مردہ پائے گئے تھے۔
پولیس نے کہا کہ وہ اسٹور کے نگرانی کے کیمرے کی فوٹیج کا جائزہ لے رہے ہیں تاکہ اس شخص یا اشخاص کو تلاش کرنے کی کوشش کر سکیں جو ان جانوروں کی لاشیں اسٹور میں لے کر آیا۔
