ٹوکیو: ٹوکیو میٹرو اور پولیس اہلکاروں نے بدھ کو ٹوکیو سب وے میں 1995 میں ہونے والے اعصابی گیس سیرین کے ہلاکت خیز حملوں کی 18 ویں برسی منائی۔
اہلکاروں نے صبح آٹھ بجے ایک چھوٹی سی تقریب منعقد کی جب کاسومیگاسیکی کے مقام پر حملہ ہوا تھا۔ اسٹیشن میں پھول رکھے گئے اور ایک منٹ کی خاموشی اختیار کی گئی۔
“اٹھارہ سال گزر چکے ہیں، لیکن اس دن کی یاد اب بھی میرے لیے زندہ و جاوید ہے،” شیزوئے تاکاہاشی نے کہا، جن کے خاوند سب وے اہلکار تھے جنہیں کاسومیگاسیکی اسٹیشن پر تعینات کیا گیا تھا، جو ٹوکیو کے انتظامی ضلعے میں واقع ہے۔ وہ اسٹیشن پر نشانہ بننے والے دو افراد میں سے ایک تھے۔
جاپانی مرکز اقتدار کے اتنے قریب اسٹیشنوں پر ہونے والے ان منظم حملوں نے ہول پیدا کر دیا جس سے پورے ٹوکیو کا میٹرو سسٹم ہل کر رہ گیا تھا۔ (حملہ آور اوم کلٹ کو) حکام آج بھی سخت نگرانی میں رکھتے ہیں، اور کہتے ہیں کہ بنیاد پرست پیروکار اب بھی آساہارا کو عقیدت کی حد تک چاہتے ہیں۔
پولیس اہلکاروں کے مطابق، خیال ہے کہ جاپان میں اس فرقے کے 1500 پیروکار جبکہ روس میں 200 کے قریب افراد اس کے پیرو ہیں۔
