ٹوکیو: جاپان کی سب سے بڑی یاکوزا مجرم تنظیم کے ایک کانے نمبر 2 گینگسٹر کو جمعہ کو استحصال (زور زبردستی) کا مجرم قرار دیا گیا، جس سے ملک کی بدمعاش دشمن پولیس کو ایک بڑی فتح حاصل ہوئی ہے۔
65 سالہ کیوشی میکّاچی، جو اطلاع کے مطابق اپنے کیرئیر کے آغاز میں شمشیر زنی کے دوران ایک آنکھ گنوا بیٹھا تھا، کو چھ برس کے لیے جیل بھیجا گیا۔ زیرِ زمین دنیا میں اس کی عرفیت “میکّاچی” کا مطلب مغربی جاپانی کے ایک لہجے میں “ایک آنکھ والا” (یا کانا) بنتا ہے۔
قومی پولیس ایجنسی کے مطابق، تاکایاما یاماگُوچی گُومی کی قیادت میں دوسرے نمبر پر ہے، جو جرائم کا ایک وسیع سنڈیکیٹ ہے اور 2012 کے آخر تک جس کے اراکین کی تعداد 27,700 تھی۔
کیوتو میں اپنے پورے مقدمے کے دوران اس بدمعاش نے ایک ذیلی گینگ کے باس سے مل کر ایک مقامی تعمیراتی کمپنی سے 40 ملین ین زبردستی ہتھیانے کے الزام سے انکار کیا۔
اطالوی مافیا یا چینی تِگڈموں کی طرح یاکوزا جوئے، منشیات اور عصمت فروشی سے لے کر سخت شرائط پر قرضہ دینے، حفاظتی گروہ مہیا کرنے، وائٹ کالر جرائم اور کمپنیوں کی آڑ میں کاروبار کرنے جیسی سرگرمیوں میں ملوث رہتے ہیں۔
