ٹوکیو: فُوجتسو نے پیر کو اپنی “ایجوکیشن سلوشن کے 12 ایڈمنسٹریشن سپورٹ” نامی سروس کا اجراء کیا، ایک نئی کلاؤڈ سروس جو ایلیمنٹری اور ہائی اسکولوں میں اساتذہ کا انتظامی کام کاج کا بوجھ کم کرتی ہے، جب اس کے ساتھ ساتھ طلباء کے ڈیٹا جائزہ لینے کے لیے با حفاظت ماحول بھی مہیا کرتی ہے۔ (کلاؤڈ سروس ایسی کوئی بھی خدمت، آنلائن سافٹویر یا سروس ہے جو انٹرنیٹ کے ذریعے ہر جگہ دستیاب ہو۔ ایسے سافٹویر عموماً ڈیٹا سنٹرز میں نصب ہوتے ہیں اور صارفین کسی بھی آلے اور جگہ سے ان تک رسائی حاصل کر کے ڈیٹا وغیرہ محفوظ کر سکتے ہیں۔ اسی دور دراز رسائی کی وجہ سے اسے ‘کلاؤڈ’ یا بادل کا علامتی نام دیا جاتا ہے۔)
یہ نئی سروس اساتذہ کو طالب علموں کی روزانہ کی معلومات کا ڈیجیٹل ریکارڈ رکھنے کی سہولت دیتی ہے، جس میں حاضری کا ریکارڈ، ٹیسٹ کا ریکارڈ اور طلباء کے بارے میں تبصرے وغیرہ شامل ہیں۔ اس کے جواب میں اس سروس کی معلومات کو طلباء کے رپورٹ کارڈز اور دوسرے ریکارڈز میں بطور بنیادی ڈیٹا استعمال کیا جا سکتا ہے۔
نتیجتاً یہ سروس اساتذہ کے لیے انتظامی کام کا بوجھ کم کرنے میں مدد دیتی ہے چنانچہ وہ زیادہ توجہ اپنے بنیادی کام یعنی تدریس پر مرکوز کر سکیں۔
