فوکوئی: پولیس نے بدھ کو کہا کہ وہ ساکائی شہر، صوبہ فوکوئی میں ایک تھیم پارک میں حفاظتی مسائل پر تفتیش کر رہے ہیں جب ایک چھ سالہ بچہ جیٹ کوسٹر سے گر پڑا تھا۔
یہ حادثہ منگل کو صبح 11:15 بجے ونڈر لینڈ تھیم پارک میں رونما ہوا۔ فُوجی ٹی وی نے اطلاع دی کہ بچہ اپنی سیٹ سے چار میٹر نیچے زمین پر آ گرا اور اپنی پسلیاں تڑوا بیٹھا۔
پولیس کی جانب سے کہا گیا کہ یہی جیٹ کوسٹر چھ برس قبل ایک اور حادثے میں ملوث تھا جب یہ پیچھے کو آ گیا تھا، اور تین مسافروں کو زخمی کر ڈالا۔
پارک کے اہلکاروں کے مطابق، جنوری میں ہونے والی حالیہ ترین جانچ پڑتال میں کوئی غیر معمولی بات نہیں پائی گئی تھی۔
جیٹ کوسٹر ایک حفاظتی بار اور سیٹ بیلٹ سے لیس ہے۔
