گونما: اوئیزومی، صوبہ گونما میں ایک فلپائنی عورت کو استغاثہ کے پاس بھیجا گیا ہے جس نے اپنی 3 سالہ بچی کو بھوک سے مرنے دیا۔
پولیس کے مطابق، 37 سالہ عورت – اکیلی ماں – جو فروری میں جاپان چھوڑ کر فلپائن چلی گئی تھی، پیچھے 14 اور 3 سال کی دو بچیاں چھوڑ گئی جن کے پاس صرف 10,000 ین اور تھوڑا سا کھانا تھا۔ 3 سالہ بچی اس کی عدم موجودگی میں مر گئی۔
اگرچہ یہ تینوں اکٹھی رہتی تھیں، تاہم گواہان کا دعویٰ ہے کہ یہ عورت باقاعدگی سے بطور ماں اپنی ذمہ داریاں ترک کر دیتی تھی اور اپنی ننھی بچی کو نوعمر بیٹی کی نگرانی میں چھوڑ دیتی تھی۔
پولیس کے مطابق، ان بچیوں کو ان کی ماں نے اکیلا چھوڑ دیا تھا، جبکہ خود وہ 9 فروری کو گھر کا دورہ کرنے فلپائن چلی گئی۔ ٹی بی ایس نے اطلاع دی کہ پولیس نے 18 فروری کو 14 سالہ بیٹی کی جانب سے ایک ہنگامی کال وصول کی، جس میں کہا گیا تھا کہ اس کی چھوٹی بہن ڈھیر ہو گئی ہے۔ ہنگامی خدمات والے موقع کی جانب بھاگے جہاں بچی کی موت کی تصدیق کر دی گئی۔
