ٹوکیو: ٹوکیو کے ضلع اکیہابارا میں ایک مجنونانہ قتلِ عام میں مرنے والے سات لوگوں کے اعزاء نے ہفتے کی صبح اس سانحے کی ساتویں برسی کے موقع پر جائے واردات پر دعا کی اور پھول رکھے۔
8 جون، 2008 کو توموہیرو کاتو راہگیروں کے علاقے میں ٹرک لے کر گھس گیا اور تین لوگوں کو ہلاک کر دیا۔ اس کے بعد وہ ٹرک سے باہر نکلا اور اندھا دھند چاقو چلانے لگا، جس سے چار ہلاک وہ گئے۔ 10 مزید لوگ زخمی بھی ہوئے۔
کاتو کو 2011 میں موت کی سزا سنائی گئی تھی۔ تاہم، اس کے وکیل نے اس بنیاد پر اپیل کی کہ کاتو، جو عدالت میں پیش نہیں ہوا، وہم آمیزی کا شکار تھا، تاہم ٹوکیو ہائی کورٹ نے 2012 میں سزائے موت برقرار رکھی۔
جاپانی میڈیا کے مطابق اس نے کہا تھا، “میں لوگوں کو بتانا چاہتا تھا کہ میں سنجیدگی سے اپنے زیرِ استعمال انٹرنیٹ بلیٹن بورڈ پر ہراساں کرنے کو روکنا چاہتا ہوں”۔
