یاماگوچی: ایواکونی، صوبہ یاماگوچی میں اتوار کی صبح پولیس کی پٹرول کار کے آگے بھاگنے والی ایک کار حفاظتی جنگلا توڑتی ہوئی مکان کی دیوار میں جا لگی، جس سے ایک مسافر ہلاک ہو گیا۔
پولیس کے مطابق، یہ تعاقب رات 1:40 کے قریب شروع ہوا، جب کار نے سرخ اشارہ توڑا۔ فُوجی ٹی وی نے پولیس کے حوالے سے بتایا کہ پٹرول کار نے تیز رفتاری سے جانے والی گاڑی کا قریباً تین کلومیٹر تک تعاقب کیا جس کے بعد وہ حفاظتی جنگلا توڑتی ہوئی ایک مکان سے جا ٹکرائی۔
پولیس نے مسافر نشست پر موجود مردہ شخص کی شناخت بطور کینجی تسوروتا عمر 27 سال کی۔ کار کے ڈرائیور، جو 20 کے پیٹے میں ایک شخص ہے، کو ہسپتال لے جایا گیا تاہم پولیس نے کہا اس کی حالت خطرے سے باہر ہے، اور اضافہ کیا کہ وہ مخمور تھا اور اس پر علاج معالجے کے بعد شراب پی کر ڈرائیونگ کا الزام عائد کیا جائے گا۔
پولیس نے کہا، مکان میں کوئی زخمی نہیں ہوا۔
