ٹوکیو: ٹوکیو اسٹاک ایکسچینج نے اوساکا کے نسبتاً چھوٹے بازارِ حصص کو باضابطہ طور پر اپنے اندر ضم کر لیا، جس سے دنیا کی تیسری بڑی اسٹاک مارکیٹ تشکیل پائی جو لندن کی ٹکر کی ہے۔
ٹوکیو اسٹاک ایکسچینج کے مطابق، یہ اقدام مارکیٹ کو ٹوکیو کے پچھلے 2300 اسٹاکس سے قریباً 3400 اسٹاکس تک لے آتا ہے، اور مارکیٹ کی قدر کو قریباً 4.4 ٹریلین ین تک بڑھا دیتا ہے۔
اخذ کردہ مارکیٹیں اور ان کے لین دین کے نظام اگلے برس مارچ تک اوساکا میں مضبوط کیے جائیں گے، جس سے انضمام مکمل ہو جائے گا۔
بازاراِ حصص کی عالمی تنظیم کے مطابق، متحد شدہ بازارِ حصص امریکی ڈالروں میں مارکیٹ کی قدر کے اعتبار سے لندن ایکسچینج کے برابر ہے، جبکہ دنیا کی سب سے بڑی این وائے ایس ای یورو نیکسٹ سے پیچھے، جو نیو یارک اسٹاک ایکسچینج کو چلاتی ہے، اور دوسری بڑی ایکسچینج نسڈک، جسے اوم ایم ایکس گروپ چلاتا ہے۔
اوساکا ایکسچینج میں اخذ شدہ اثاثوں (ایسے اثاثے جو دوسری اقسام کے اثاثوں سے اخذ کیے گئے ہوں، ان کی قدر اسٹاک یا بانڈز پر منحصر ہوتی ہے اور بذاتِ خود اپنی کوئی قدر نہیں رکھتے) کے لین دین پر توجہ دی جاتی ہے جبکہ ٹوکیو کی ایکسچینج جاپان میں حصص کے لین دین کا مرکز ہے، جس کے چوٹی کے ناموں میں ٹیوٹا، سونی، پیناسانک اور کینن شامل ہیں۔
