ٹوکیو: فوکوشیما ایٹمی بحران کے رونما ہوتے وقت جاپان کے وزیرِ اعظم نے منگل کو کہا وہ موجودہ وزیرِ اعظم پر ہتکِ عزت کا مقدمہ کر رہے ہیں جنہوں نے ہنگامی حالت سے نمٹنے کے طریقہ کار بارے آنلائن تبصرے کیے تھے۔
ایوانِ بالا کے انتخابات سے ایک ہفتے سے کم عرصہ قبل اب اپوزیشن کی شخصیت ناؤتو کان نے اپنی باضابطہ ویب سائٹ پر کہا کہ وہ شینزو ایبے کے خلاف قانونی اقدام اٹھائیں گے۔
کان کے دفتر نے کہا ہے کہ مارچ 2011 کو فوکوشیما کو غرقاب کرنے والے جحیم سونامی کے فوراً بعد کے دنوں میں ان کی حکومت نے پلانٹ آپریٹر ٹوکیو الیکٹرک پاور (ٹیپکو) پر دباؤ ڈالا تھا کہ حد سے زیادہ گرم ری ایکٹروں کو ٹھنڈا کرنے اور آفت سے بچنے کے لیے سمندر کا پانی استعمال کرے۔
کان نے اپنی باضابطہ ویب سائٹ پر کہا، “مسٹر شینزو ایبے نے اپنے آنلائن نیوز لیٹر میں ایک خبر چلائی جس کا عنوان ‘ (ری ایکٹروں کو ٹھنڈا کرنے کے لیے) سمندری پانی کے استعمال کے لیے مسٹر کان کی ہدایات جعلی ہیں’ تھا، اور میری تصحیح اور معذرت کی درخواست کے باوجود یہ خبر اب بھی موجود ہے،”۔
کان کا وزارتِ عظمی کا مختصر دور ستمبر 2011 میں ختم ہو گیا تھا۔
