ٹوکیو: پولیس والے ایک آدمی کی تلاش میں ہے جس نے منگل کو ایک عورت پر ڈنڈے سے حملہ کیا جب وہ ٹوکیو کے چیودا وارڈ کی ایک سڑک کنارے پیدل جا رہی تھی۔
پولیس کے مطابق، 40 سالہ خاتون کو سہ پہر 3:30 کے قریب ٹوکیو کے شاہی محل کے نزدیک لکڑی کے ہتھیار سے نشانہ بنایاگیا جو بو (جاپانی مارشل آرٹس کا ہتھیار، چینی میں کون اور کورین میں بونگ کہلاتی ہے) کی لکڑی کی لاٹھی سے ملتا جلتا تھا۔ ٹی بی ایس نے خبر دی کہ آدمی نے پیچھے سے خاتون کے سر میں ضرب لگائی اور پھر بھاگ گیا۔
پولیس نے تصدیق کی کہ واقعے سے فوراً پہلے اور بعد میں آدمی کو سی سی ٹی وی پر ریکارڈ کر لیا گیا تھا۔ اس کی عمر 20 برس کے قریب ہے، قد قریباً 170 سینٹی میٹر، لمبے، خاکی رنگ میں رنگے بال اور سیاہ لباس پہنے ہوئے تھا۔ ٹی بی ایس نے خبر دی، خیال ہے کہ آدمی حملے کے فوراً بعد ہانزومون اسٹیشن میں داخل ہوا سب وے ٹرین کے ذریعے فرار ہو گیا۔
خاتون، جس کے زخم جان لیوا نہیں تھے، نے پولیس کو بتایا حملہ آور اس کے کسی وقف کار سے ملتا جلتا نہیں تھا۔
