ناگویا: پولیس نے پیر کو کہا، ناگویا میں مئی تیتسو کانایاما اسٹیشن پر ایک 39 سالہ شخص نے ایک 58 سالہ عورت، جو پلیٹ فارم سے گر گئی تھی، کو بچانے کے لیے ٹرین کی پٹڑیوں پر چھلانگ لگا دی۔
یہ واقعہ اتوار کو سہ پہر 4 بجے کے قریب پیش آیا۔ ٹی وی آساہی نے خبر دی کہ عورت نے پولیس کو بتایا اسے پلیٹ فارم پر ڈگمگا کر چلنے والے ایک آدمی نے نیچے گرا دیا جو بظاہر اپنے آپ سنبھالنے کے لیے اسے پکڑنے کی کوشش کر رہا تھا۔
جب وہ پٹڑیوں پر گر پڑی تو ایک دوسرے مرد مسافر نے نیچے چھلانگ لگا دی اور اسے نیچے لٹا دیا جیسا کہ آنے والی ٹرین ان کے اوپر سے گزر گئی۔ پولیس نے کہا کہ دونوں بچ گئے چونکہ پٹڑیوں اور ٹرین کے پیندے کے درمیان مناسب خلا موجود تھا۔
عورت کو سر اور بائیں ہاتھ پر زخم آئے تاہم اس کی حالت خطرے میں نہیں تھی۔
