ٹوکیو: یوکوسوکا شہر، صوبہ کاناگاوا میں امریکی بحری اڈے کے ایک سالانہ کھلے ایونٹ کے موقع پر رہائشی اڈے میں داخل ہو کر اس کی سیر کر سکتے ہیں اور کچھ فوجیوں سے ملاقات کر سکتے ہیں۔ تاہم، اس برس یوکوسوکا کے شہری ایک تصویر پر سخت چراغ پا پھرتے ہیں جس میں بظاہر بچوں کا ایک گروہ سیر کے دوران فوجیوں کے ہمراہ حملہ آور بندوقیں پکڑے نظر آ رہا ہے۔
اگرچہ ابھی تک اس کی تصدیق نہیں کی گئی، تاہم یہ کہنا محفوظ ہے کہ ہتھیار نہ تو چلائے گئے بلکہ مسلح بھی نہیں تھے۔ شہری گروہوں کا کہنا ہے کہ ایسا تجربہ بچوں کو “غلط قسم کی چیزیں سکھا رہا” ہے۔
27 اگست کو انہوں نے جاپان میں امریکی بحریہ کے کمانڈر کو ایک باضابطہ خط بھیجا اور درخواست کی کہ اس معاملے پر یوکوسوکا مئیر یوتو یوشیدا کے خیالات سنے جائیں۔ اس موقع پر یوکوسوکا کے بحری اڈے نے ایک بیان جاری کیا جس میں کہا گیا، “جب تک ہم حقائق کی تصدیق کر رہے ہیں تب تک کوئی تبصرہ نہیں کر سکتے”۔
