میازاکی: ہیوگا، صوبہ میازاکی میں حکام مقامی رہائشیوں کو ہوشیار رہنے کی ترغیب دے رہے ہیں جب کئی ایک جاپانی میکاک بندروں نے ایک رہائشی علاقے پر مسلسل کئی حملے کیے۔
ٹی بی ایس نے ہفتے کو کہا کہ شہری اہلکاروں کے مطابق، یہ جتھہ جس کی سربراہی ایک 50 تا 60 سینٹی میٹر اونچا نر بندر کرتا ہے، 28 اگست سے روزانہ اس رہائشی علاقے میں رہائشیوں پر حملے کر رہا ہے۔ بدھ کو ہیوگو میں ایک ہائی اسکول کی طالبہ جب جاگنگ کر رہی تھی تو اس کی بائیں ٹانگ پر کاٹ کھایا۔ اگلے دن تین لوگوں پر ایک بندر کے حملے کی خبر سامنے آئی اور جمعے کو تین اور لوگوں کو کاٹا گیا تھا۔
پولیس کا کہنا ہے کہ سی سی ٹی وی کیمرے کی فوٹیج سے مزید پتا چلا کہ جانور قریبی مندروں میں داخل ہو کر تباہی مچا رہے ہیں۔ ماہرین کا کہنا ہے کہ جاپانی میکاک بندر پہلے بھی اس علاقے میں لوگوں پر حملے کے لیے جانے جاتے ہیں اور ان کا اندازہ ہے کہ شاید یہ حملے اس برس پانی کی کمی کا نتیجہ ہیں۔
