نی گاتا: نی گاتا میں پولیس نے بدھ کو کہا کہ ایک کھیت سے ایک ٹن دھان اس وقت چرا لی گئی جب چند ہی گھنٹے بعد اسے طے شدہ طور پر کاٹا جانا تھا۔
ٹی وی آساہی نے خبر دی، پولیس کے مطابق خیال ہے کہ “کوشی ہیکاری” چاول، جو جاپان میں عام کاشت کی جانے والی چاول کی قسم ہے، 22 ستمبر کی رات آگانو کے فارم سے چرائی گئی۔ پیداوار، جسے کاٹنے کے لیے پولیس کے خیال میں مشینری کی ضرورت پڑتی، کی مالیت تخمیناً 272,000 ین تھی۔
پولیس کا کہنا ہے کہ ایک 71 سالہ شخص کو کھیت کا انتظام و انصرام سنبھالنے اور دھان کاٹنے کی ذمہ داری سونپی گئی تھی۔ اس آدمی نے پولیس کو بتایا کہ وہ شام 5:30 کے قریب وہاں سے نکلا اور جب وہ اگلے دن صبح 9 بجے کے قریب وہاں دھان کاٹنے کے لیے پہنچا تو وہ چرائی جا چکی تھی۔
