اوساکا: سوئیتا، اوساکا میں پیر کو علی الصبح جاپان ویسٹ ریلوے کو (جے آر ویسٹ) کا ایک ملازم ایک پُل سے گر کر اپنی جان سے ہاتھ دھو بیٹھا۔
پولیس کے مطابق، کارکنوں کی ایک ٹیم صبح 1 بجے کے قریب سوئیتا میں جے آر کیوتو لائن پر ایک پُل کا معائنہ کر رہی تھی، جب گروپ میں سے شخص پانچ میٹر نیچے کانازاکی دریا میں گر گیا۔ ٹی بی ایس نے خبر دی کہ ہنگامی خدمات والوں نے 50 منٹ کے بعد اس آدمی کی لاش نکالی، جس کا نام ریوتا کانےمیتسو، سکنہ نیگایا عمر 21 سال پتہ چلی۔
پولیس نے کہا، گرتے وقت کانےمیتسو ایک سخت ہیٹ پہنے ہوئے تھا اور اس نے ایک ٹول کِٹ بھی باندھی ہوئی تھی، جس سے وزن میں اضافہ ہوا جس نے شاید اسے نیچے کھینچ لیا۔
پولیس کا کہنا ہے کہ وہ موقع پر موجود دیگر کارکنوں سے پوچھ گچھ کر رہے ہیں تاکہ اس واقعے کی وجوہات کا پتہ لگا سکیں اور موقف قائم کر سکیں کہ جے آر ویسٹ نے مناسب حفاظتی اقدامات کیے تھے یا نہیں۔
