ٹوکیو: جاپان ائیر لائنز نے ٹوکیو کی جانب سے حریف ہوائی کمپنی آل نیپون ائیر ویز کو ایک بڑے ہوائی اڈے پر دوگنی منافع بخش لینڈنگ سلاٹس تفویض کرنے پر ایک شکایت جمع کروائی ہے؛ یہ بات ہوائی کمپنی کے سربراہ نے جمعے کو بتائی۔
جے اے ایل کے صدر یوشیہارو اوئیکی نے کہا، ہانیدا کے ہوائی اڈے پر “بے انصافی پر مبنی” فیصلہ — جو کبھی دیوالیہ رہنے والی جے اے ایل کو حکومتی امداد کے بعد معاملہ برابر کرنے کی بظاہر کوشش لگتا ہے — ہوائی کمپنی کو سالانہ 6 ارب ین کا خرچہ ڈالے گا۔
انہوں نے مزید خبردار کیا کہ اس کی شریک ہوائی کمپنیوں، بشمول امریکن ائیر لائنز اور برٹش ائیر ویز، پر بھی منفی اثر ہو گا۔
بیان نے اضافہ کیا، “ایک صحت مند مسابقتی ماحول جاپانی عوام کا حق ہے جو کسی ایک کمپنی کی طرفداری کی بجائے تمام ہوائی کمپنیوں میں مسابقت کو فروغ دے”۔
بدھ کو حکومت نے کہا تھا کہ اے این اے آبنائے ٹوکیو، جو دنیا کا چوتھا مصروف ترین مرکز ہے، پر بین الاقوامی لینڈنگ اور پرواز کی 20 نئی سلاٹس میں سے 11 حاصل کرے گا۔
جے اے ایل نے (اسٹاک مارکیٹ میں) اپنے دوبارہ اندراج کے بعد مضبوط آمدن ظاہر کی تھی، جس نے اسے دنیا کی منافع بخش ترین ہوائی کمپنی بنا دیا۔
