ٹوکیو: پولیس نے بدھ کو کہا، ایک 18 سالہ لڑکی، جسے میتاکا، ٹوکیو میں منگل کی رات مہلک انداز میں زخمی کر دیا گیا، نے اسی دن صبح مقامی پولیس سے ملاقات کی تھی اور ایک تعاقب کرنے والے کے خلاف مدد مانگی تھی جس پر اس کے قتل کا شبہ بھی ہے۔
پولیس کے مطابق، سایا سوزوکی کو شام 5 بجے کے قریب اینوکاشیرا میں اس کے گھر کے سامنے گلی میں حملے کا نشانہ بنایا گیا۔ ٹی بی ایس نے خبر دی کہ پڑوسیوں نے سوزوکی کی چیخ سنی اور اسے اپنے اسکول کی وردی میں خون میں لت پت پایا جو اس کی گردن اور پیٹ کے زخموں سے نکل رہا تھا۔ پولیس نے کہا، اسے ہسپتال لے جایا گیا جہاں وہ کچھ ہی دیر بعد خون کے زیاں کے باعث ہلاک ہو گئی۔
میڈیا نے عینی شاہدین کے حوالے سے بتایا کہ انہوں نے ایک آدمی کو جائے واردات سے بھاگتے ہوئے دیکھا جس نے سر پر رومال لپیٹ رکھا تھا۔ پولیس نے کہا 21 سالہ چارلس تھامس ایکے ناگا، جو سوزوکی کا ایک سابق بوائے فرینڈ تھا لیکن وہ چھ ماہ قبل الگ ہو گئے، کو قریب سے ہی 90 منٹ بعد حراست میں لے لیا گیا۔ پولیس نے کہا اسے جب حراست میں لیا گیا تو وہ ارغوانی رومال لیے ہوئے تھا۔
ایکے ناگا نے جرم کا اعتراف کیا ہے اور کہا اس نے چند روز قبل سوزوکی کو قتل کرنے کے ارادے سے چاقو خریدا تھا۔
