ٹوکیو/ پرتھ: جاپان 2014 کے اواخر تک گیس اور کوئلے پر چلنے والے 14 بجلی گھر چلانے کا ارادہ رکھتا ہے، جو اسے مہنگے تیل سے منتقل ہونے میں مدد دیں گے، جیسا کہ ٹوکیو ایٹمی ری ایکٹروں کی بندش کی وجہ سے مشکلات کا شکار ہے اور توانائی کی درآمدات سے ریکارڈ تجارتی خسارہ ہو رہا ہے۔
رائٹرز کی جانب سے یوٹیلیٹی کمپنیوں کے ایک سروے کے مطابق، علاقائی اجارہ دار کمپنیاں اگلے برس 12 گیس سے چلنے والے یونٹ تعمیر کریں گی، جبکہ کوئلے سے چلنے والے دو نئے پلانٹ دسمبر 2013 تک مکمل کر لئے جائیں گے۔ یہ جاپان کو مستقبل میں بجلی ساز پلانٹ بند ہونے کی صورت میں بجلی کی بندش سے بچنے کے لیے زیادہ بڑی روک فراہم کریں گے۔
مارچ 2011 میں شدید زلزلے اور سونامی نے فوکوشیما ایٹمی بجلی گھر کو نشانہ بنایا تھا، جو ٹوکیو الیکٹرک پاور کو المعروف ٹیپکو چلاتی تھی، جس کی وجہ سے تین ری ایکٹر پگھلاؤ اور ہائیڈروجن دھماکوں کا شکار ہوئے۔
جاپان ادارہ برائے معاشیات و توانائی کا کہنا ہے کہ فوکوشیما سے قبل ایٹمی توانائی بجلی کا قریباً 30 فیصد پورا کرتی تھی اور اس مرحلے پر جاپان مارچ 2015 تک صرف چار ایٹمی ری ایکٹر ہی دوبارہ چلا سکتا ہے۔ آئی ای اے کا اندازہ ہے کہ اتنی پیداوار کے حامل پلانٹس کی لاگت 4.5 ارب ڈالر کے قریب ہو گی۔
