چیبا: پولیس نے پیر کو کہا کہ انہوں نے ایک 29 سالہ شخص کو حراست میں لیا ہے جب اس کی کار اتوار کی رات یاچیماتا، صوبہ چیبا میں سائیکل سوار لڑکیوں کے ایک گروپ سے جا ٹکرائی۔
پولیس کے مطابق، رات 10 بجے سے ذرا قبل جب یہ واقع رونما ہوا تھا لڑکیاں ایک مقامی میلے سے واپس لوٹ رہی تھیں۔ ٹی بی ایس نے پولیس کے حوالے سے بتایا کہ تسویوشی موروکا کی کار نے اس گروپ کو ٹکر ماری اور رکے بغیر آگے بڑھتی رہی۔ پولیس نے کہا، پانچ میں سے چار لڑکیوں کو ہسپتال لے جایا گیا؛ تین کو معمولی زخم آئے، جبکہ ایک 13 سالہ لڑکی کا بازو ٹوٹ گیا۔
پولیس نے کہا موروکا بھی اسی میلے میں تھا جہاں وہ اچھی خاصی شراب چڑھاتا رہا۔ ٹی بی ایس کے مطابق، اس واقعے کے بعد اس نے پولیس کو بتایا کہ وہ کار میں گھر آیا اور سونے کے لیے اسی میں پڑا رہا۔ اس کی بیوی نے نقصان زدہ کار اور اپنے خاوند کو دیکھا اور پولیس کو اطلاع دی۔
