ٹوکیو: جمعرات کو فوڈ لیبلنگ کا ایک اسکینڈل اور وسیع ہو گیا جب لگژری ہوٹل چین اوکورا، جس نے غیر ملکی وی آئی پی شخصیات بشمول امریکی صدر باراک اوباما کی میزبانی کی ہے، نے اعتراف کیا کہ اس نے اپنے سوِینکی ریستورانوں میں کھانے کے معیار بارے غلط بیانی کی تھی۔
کمپنی نے کہا 13 ہوٹل، جن میں اس کی ٹوکیو میں تمثیلی و روایتی ملکیت بھی شامل ہے، نے ایسے اجزاء سے بنے کھانے پیش کیے جنہیں غلط انداز میں اعلی ترین درجے کا بتایا گیا تھا، مثلاً بحرالکاہل کا وائٹ شرمپ جسے زیادہ مہنگی شیبا ورائٹی کے طور پر مشتہر کیا گیا۔
کئی ایک ہوٹل چینوں بشمول ہانکیو ہانشِن ہوٹلز، جو اوساکا میں ریٹز کارلٹن ہوٹل چلاتی ہے، نے بھی اپنے ریستورانوں میں مینیو پر غلط لیبل والے کھانوں کا اعتراف کیا ہے۔
مزید برآں جمعرات کو ڈیپارٹمنٹ اسٹور کی چین دائیمارو ماتسوزاکایا نے کہا اس کے کچھ ریستورانوں نے قبل ازیں منجمد شدہ کھانوں کو “تازہ” کے طور پر پیش کیا، اور مٹھائیوں میں جنوبی کوریائی اخروٹ استعمال کیے گئے جو فرانسیسی پھل (اخروٹ) کا بتاتی تھیں۔
ایک اور مہنگی ڈیپارٹمنٹ اسٹور چین تاکاشیمایا نے کہا ہے اس نے برسوں تک غلط بیانی کی کہ وہ اعلی ترین درجے کے جھینگے اور تازہ نکالا ہوا جوس بیچتا ہے۔
