ٹالکوبا، فلپائن: امدادی ٹیم کے ایک ترجمان نے ہفتے کو کہا، فلپائنی ٹائیفون متاثرین کی مدد کے لیے کام کرنے والے جاپانی طبی ماہرین نے ٹیبلٹ کمپیوٹر استعمال کرتے ہوئے وائرلیس موبائل ایکس رے کٹس نصب کی ہیں، جو کسی آفت زدہ علاقے میں پہلی مرتبہ کیا گیا ہے۔
یہ ٹیکنالوجی، جو 2011 میں جاپان سے دیو قامت سونامی ٹکرانے کے بعد تیار کی گئی تھی، ڈاکٹروں فوری طور پر مریض کے اندر جھانکنے کی سہولت دیتی ہے، اور انہیں آئی پیڈ پر جانے پہچانے اشاروں کے ذریعے تصویر بڑی کرنے کی سہولت بھی دیتی ہے۔
جوجی تومیوکا، جو آفت سے امداد کے لیے جاپانی طبی ٹیم کے کوآرڈینیٹر ہیں، نے کہا یہ نظام ان ضروریات کے جواب میں تیار کیا گیا جو جاپانی آفت کے بعد ڈاکٹروں کو درکار تھیں۔
“یہ پہلا موقع ہے کہ ہم اسے ایک آفتی صورتحال میں بروئے کار لا رہے ہیں،” تومیوکا نے ایک جدید خیمہ طبی کلینک میں اے ایف پی کو بتایا جو جاپانی حکومت نے ٹائیفون ہائیان کے متاثرین کی مدد کے لیے کھڑا کیا ہے، جس نے ایک ہفتے سے کچھ عرصہ قبل وسطی جاپان میں تباہی مچائی تھی۔
جاپان کی 26 رکنی طبی ٹیم میں ڈاکٹر، نرسیں، فارماسسٹ، ماہرینِ امراضِ قلب اور طبی ٹیکنیشن شامل ہیں۔
