ٹوکیو: وزیرِ معیشت آکیرا آماری نے منگل کو کہا حکومت اپنے اقتصادی محرکاتی پیکج کی فنڈنگ کے لیے نئے بانڈز کے اجراء سے احتراز کرے گی۔
آماری نے کابینہ کے ایک اجلاس کے بعد نیوز کانفرنس کو بتایا، یہ پیکج، جس میں 5 ٹریلین ین کی اخراجاتی رقم شامل ہو گی، دسمبر کے اوائل میں تیار کیا جائے گا۔
وزیرِ اعظم شینزو آبے نے اگلے برس اپریل میں جاپان کا قومی سیلز ٹیکس بڑھنے کی تکلیف کم کرنے کے لیے ایک پیکج تیار کرنے کا فیصلہ کیا ہے۔
پیکج کے لیے خرچے کو مارچ 2014 میں ختم ہونے والے موجودہ مالی سال میں اضافی بجٹ کے ذریعے فنڈ فراہم کیا جائے گا۔
