ٹوکیو: یہ سال کا پھر وہی وقت ہے۔ جمعرات کو آدھی رات کے ایک بجے، جاپان بھر میں وائن کے شوقین اور موج مستی کے مداحوں نے ہلکے سے دھندلے ارغوانی مائع سے بھرے جام آسمانوں کی جانب بلند کیے اور بوژولے نووو کی آمد کا جشن منایا۔
ہمیشہ کی طرح یہ سالانہ رنگ رلیاں جاپان سے شروع ہوئیں، جس نے پچھلے برس بوژولے نووو کی 8.8 ملین بوتلیں پکڑی تھیں اور 110 ممالک میں سے سب سے بڑی درآمدی منڈی ہے جو اس علاقے کی وائن خریدتا ہے۔
بوژولے نووو کے چاہنے والوں نے ٹوکیو میں کئی جگہوں پر پارٹیوں میں جشن منایا، جہاں شائقین صبح کی ابتدائی ساعتوں تک بھی پیتے رہے۔
دریں اثناء، ریٹیلز حضرات نے قیمتوں کا سخت مقابلہ پیدا کر دیا۔ بوتلوں کی قیمت 2400 ین ہے، لیکن 750 ملی لیٹر کی پلاسٹک کی بوتلیں سئےیو اسٹورز پر 870 ین پر بک رہی ہیں، جبکہ آئیون نے انہیں 980 ین کی قیمت پر شیلفوں پر سجایا ہے۔
تیار کنندگان اس برس خاص طور پر ثمر دار اور جاندار ذائقے کا وعدہ کر رہے ہیں اور ان بدگمانیوں کو چیلنج کرنے کے لیے پرامید ہیں جو وائن کی خصوصیات کو اس کے تیاری کے طریقے کی وجہ سے مسترد کر دیتے ہیں، جن کے باعث یہ کیلے سے لے کر چیونگم تک کسی بھی خوشبو کی حامل ہو سکتی ہے۔
