ٹوکیو: وزارتِ دفاع نے کہا، اوکی ناوا کے اہلکاروں نے جمعے کو ایک متنازعہ امریکی فوجی اڈے کی عرصہ دراز سے تعطل کا شکار منتقلی کی منظوری دے دی، ایک ایسا بریک تھرو جو بظاہر ٹوکیو اور واشنگٹن کے درمیان عشروں پرانا نزاعی مسئلہ ختم کر دے گا۔
مقامی بیوروکریٹس نے ایک دستاویز پر دستخط کیے جو زمین بھرائی کے کام کو ہری جھنڈی دکھاتی ہے، جس سے ناگو کے ساحل پر نئی بیس کے قیام کی راہ ہموار ہو گئی۔
وزارتِ دفاع کے اوکی ناوا بیورو نے تصدیق کی کہ اس نے مقامی حکومت کے اہلکاروں سے دستاویز وصول کر لی ہے جس پر گورنر کی مہر موجود ہے۔
بدھ کو ناکائیما کے ساتھ ایک ملاقات میں آبے نے ان جزائر کے لیے یک پوشیدہ نقد خزانے کا وعدہ کیا تھا، جو مالی سال 2021 تک اوکی ناوا کے اقتصادی تحریکی بجٹ کے لیے کم از کم 300 ارب ین تک ہو گا۔
تجاویز کے پیکج میں یہ بات بھی شامل ہے کہ پانچ برس کے اندر فوتینما پر آپریشن بند کر دئیے جائیں اور زمین وقت سے پہلے واپس کر دی جائے۔
ناکائیما مرکزی حکومت کے تلخ ناقد رہے ہیں، جو ان کے مطابق جنوبی استوائی جزیرے کے بارے میں بے درد ہے، جو جاپان میں 47,000 امریکی فوجیوں کے تقریباً نصف کا میزبان ہے۔
