ٹوکیو: پولیس نے جمعے کو کہا، بدھ اور جمعرات کو چار صوبوں میں دس افراد اپنے گھروں میں آگ لگنے سے ہلاک ہو گئے۔
فُوجی ٹی وی نے خبر دی، ہیگاشی، صوبہ یاماگاتا میں 80 کے پیٹے میں ایک جوڑے کی باقیات جمعے کی صبح ایک رہائشی آتش زنی کے بعد دریافت کی گئیں۔ فُوجی نے خبر دی، کوریاما، صوبہ فوکوشیما میں تین اموات کی اطلاع دی گئی جب جمعرات کی رات آتش زنی سے ایک گھر تباہ ہو گیا تھا۔
دیگر جگہوں پر، این ایچ نے خبر دی کہ ایک 86 سالہ شخص اور اس کا 68 سالہ داماد اس وقت ہلاک ہو گئے جب آسو، صوبہ کاگوشیما میں جمعے کو علی الصبح آگ سے ان کا گھر تباہ ہو گیا۔ آئیرا، صوبہ کاگوشیما میں پولیس کے مطابق ایک 96 سالہ شخص اور اس کی 86 سالہ بیوی جمعے کو علی الصبح اپنے گھر لگنے والی آگ میں چل بسے۔ 10 ویں موت ایک 89 سالہ خاتون کی تھی، جو آکونے، صوبہ کاگوشیما میں اپنے گھر میں ہلاک ہوئی۔
پولیس نے کہا تمام کیسوں میں رہائش گاہیں لکڑی کی بنی ہوئی تھیں۔ ان کا خیال ہے کہ مٹی کے تیل کے ہیٹر شاید کچھ کیسوں میں آتش زنی کے ذمہ دار ہوں۔
فائر اور ڈیزاسٹر مینجمنٹ ایجنسی ہر سرما میں رہائشیوں کو نصیحت کرتی ہے کہ گیلے کپڑوں کو خشک کرنے کے لیے انہیں مٹی کے تیل کے ہیٹروں کے بہت زیادہ قریب نہ رکھیں۔
