ٹوکیو: پولیس نے منگل کو کہا کہ پیر کی سہ پہر تاما، ٹوکیو میں تین خواتین کو معمولی زخم آئے ہیں۔ ان خواتین پر ایک اور عورت نے حملہ کر دیا تھا۔ پولیس نے کہا، ان خواتین کو سر پر ضربات لگانے کے بعد مذکورہ مشتبہ عورت موقع سے فرار ہو گئی۔
پولیس کے مطابق، پہلا واقعہ 1:25 بجے دوپہر پیش آیا۔ ٹی بی ایس نے خبر دی کہ 77 اور 67 سالہ دو خواتین اوداکیو تاما سنٹر ٹرین اسٹیشن کے سامنے سے گزر رہی تھیں۔ اسی وقت کسی نامعلوم نوجوان عورت نے ان کے سروں پر ضربات لگائیں اور موقع سے رفو چکر ہو گئی۔ قریباً 10 منٹ بعد ایک 52 سالہ خاتون کو بھی بظاہر اسی عورت نے حملے کا نشانہ بنایا۔ یہ حملہ پہلے جائے وقوعہ سے قریباً 500 میٹر کے فاصلے پر پیش آیا۔
پولیس نے کہا کہ مشتبہ عورت 20 کے پیٹے میں ہے۔ اس کا قد 160 سینٹی میٹر، اور سفید جیکٹ اور پینٹ پہنے ہوئے تھی۔ تینوں زخمی خواتین نے پولیس کو بتایا کہ وہ حملہ آور کو نہیں جانتی تھیں۔
