یوکوہاما: یوکوہاما، صوبہ کاناگاوا میں طبی اہلکاروں نے جمعے کو کہا کہ یوکوہاما کے ہاتسونے گاؤکا پبلک ایلیمنٹری اسکول میں 86 بچے جمعرات کو غیر حاضر تھے۔ اس کی وجہ نورو وائرس کی مشتبہ وبا بتائی گئی۔
مقامی تعلیمی بورڈ کے مطابق، پیر کو طلباء نے بیماری محسوس کی اور ان میں قے اور ڈائریا جیسی علامات نظر آئیں۔ ٹی بی ایس نے خبر دی کہ اسکول کے طلباء کی اجابت سے حاصل کردہ 86 نمونوں میں سے پانچ میں نورو وائرس کا سراغ لگا۔
چھ اراکینِ عملہ میں بھی وائرس پایا گیا۔ تعلیمی بورڈ نے کہا، بڑے پیمانے پر وبا اغلباً اسکول کے دوپہر کے کھانے میں شامل کسی چیز سے پھیلی۔
اسکول نے کمرہ جماعت جراثیم سے پاک کیے اور دوپہر کے کھانے میں صرف گرم پکوان وغیرہ ہی فراہم کرنے کا فیصلہ کیا۔
