سابق خاوند کے قتل میں اعانت پر عورت گرفتار

کاناگاوا: ہادانو، صوبہ کاناگاوا میں پولیس نے ایک عورت کو حراست میں لیا ہے۔ اس نے پچھلے نومبر میں اپنے سابق خاوند کے قتل میں اعانت کی تھی۔

پولیس کے مطابق، 45 سالہ یوکو یاماگوچی نے اپنے سابق خاوند 46 سالہ ہیروشی تسونودا کے مکان کی چابیاں قاتل کو دی تھیں۔ 47 سالہ قاتل کینی چی ساکاتا ان کی مدد سے رہائشگاہ میں داخل ہوا اور تسونودا کو جان لیوا طور پر زخمی کر دیا۔

ٹی بی ایس نے بدھ کو خبر دی کہ ساکاتا اور تسونودا ایک آنلائن گیم سائٹ پر واقف کار بنے تھے۔ پولیس نے کہا کہ یاماگوچی کے ساتھ ساکاتا کی ای میل خط و کتابت کی تفتیش سے پتا چلا کہ اس نے اسے مکان کی چابی دی تھی۔

ساکاتا 15 نومبر کو رات 10 بجے کے قریب مکان میں داخل ہوا اور قریباً چار گھنٹوں تک تسونودا کے گھر واپس آنے کا انتظار کرتا رہا تھا۔ پولیس کے مطابق پھر اس نے تسونودا کی گردن پر چاقو چلا دیا۔

ساکاتا نے جرم کے کچھ ہی دیر بعد اوداوارا کے ایک پولیس اسٹیشن پر خود کو حوالہ قانون کر کے قتل کا اعتراف کر لیا تھا۔

آپ کومنٹ میں اپنی رائے دے سکتے ہیں ۔