ٹوکیو: جاپان کے سب سے بڑے منظم جرائم کے سنڈیکیٹ نے اپنی ذاتی ویب سائٹ جاری کر دی ہے۔ اس میں ایک کارپوریٹ گانا موجود ہے اور منشیات کے خلاف سخت پیغامات لکھے ہوئے ہیں۔ یاد رہے کہ یاکوزا اپنی پرانی شبیہ کو بہتر بنانے اور کم ہوتی رکنیت کو ٹھیک کرنے کے لیے کوشاں ہیں۔
اس میں کانپتے ہاتھوں سے کھینچی ہوئی اراکین کی تصاویر بھی شامل ہیں۔ وہ نئے سال کے موقع پر ایک مزار پر حاضری دے رہے ہیں۔ گانا ایک روایتی فوک طرز پر مشتمل ہے جس کی شاعری میں “نانکیو روح” کی نیکیاں بیان کی گئی ہیں۔ یہ مردانگی کے حوالے سے مثالی حیثیت کی حامل روح ہے جو نا انصافی سے لڑتی اور کمزوروں کی مدد کرتی ہے۔
یہ ویب سائٹ میڈیا میں داخلے کے لیے یاماگوچی گومی کی پہلی کوشش نہیں ہے۔ جرائم کا سنڈیکیٹ قبل ازیں پچھلے برس اپنے اراکین کے لیے ایک میگزین کی اشاعت بھی شروع کر چکا ہے۔ اس میں ایک شاعری کا صفحہ، سینئر بدمعاشوں کی مچھلیاں پکڑنے کی ڈائریاں اور باس کا ایک پیغام شامل ہوتا ہے۔
اطالوی مافیا یا چینی تِگڈموں کی طرح یاکوزا بھی عصمت فروشی سے سخت شرائط پر قرض تک اور وائٹ کالر جرائم میں ملوث رہتے ہیں۔
تاہم دیگر زیرِ زمین گروہوں کے برعکس یاکوزا غیر قانونی نہیں ہیں۔ ہر نامزد گروہ جیسے یاماگوچی گومی کا اپنا ایک ہیڈکوارٹر ہوتا ہے اور اس کے سینئر اراکین اپنا کاروباری کارڈ بھی پیش کرتے ہیں۔
