۲۰فروری۲۰۱۱[رپورٹ شاہد خان ] انٹر نیشنل ویلفئیر کلب تویاما کی جانب سے اعلان کردہ ویلفئیر اسکیم نمبر ۱ کی آٹھویں قرعہ اندازی خان ٹریڈنگ کے آفس میں بعد نماز ظہر کی گئی۔ جس میں تویاما کے معزز ین نے بڑی تعداد میں شرکت کی۔ تویاما میں مصر سے تشریف لائے ہوئے مہمانوں کو اس تقریب میں خصوصی شرکت کی دعوت دی گئی ۔کلب کے صدر جناب نواب علی بہلم نے قرعہ اندازی کے لیے مصر کے جنا ب شیخ ولید صاحب کو دعوت دی ۔
（شیخ ولید صاحب اپنے چار ساتھیوں کے سا تھ اسلام کی سربلندی اور تبلیغ کے لیےجاپان تشریف لائے ہوئے ہیں）۔ قر عہ نپون آٹوز کے جنا ب اسلم خان المعروف لالہ کے نام نکلا۔ جنا ب شیخ ولید صاحب نے اس اجتما عی نیکی کے عمل کو تہہ دل سراہا اور اس میں حصہ لینے والے تمام ممبران کے جان ومال میں خیرو برکت اور سربلندیَ اسلام کے لیے دُعا فرمائی ۔
اسکیم کا مختصر تعارف درجہ ذیل ہے ۔
تعا رف اس اسکیم کے تحت آپ غر یب اور مستحق افراد کی مدد خود اپنے ہاتھوں سے کر سکتے ہیں۔اور اپنی آخرت اور دنیا کی پریشا نیوں اور مصیبتوں سے نجات حاصل کر سکتے ہیں کیو نکہ صد قہ و خیرات آنے والی بلاوٰں کو ٹا ل دیتا ہے۔ اس اسکیم میں شرکت کر نے والے حضرات ہر مہینہ ۵۰۰۰ین جمع کراتےہیں اور مخصوص تا ریخ کو قرآہ اندازی کےذریعے منتخب ہونے والے کو کل رقم ادا کر دیجاتی ہے۔ اور اس طرح ایک خطیر رقم سے آپ اپنے قرب و جوار کے مستحق افراد کی مدد خود اپنے ہا تھو ں سے کر کے دلی سکون و اطمینان حا صل کر کے اپنی آخرت سنوار سکتے ہیں۔یاد رکھیں اس اسکیم میں آپ صدقہ و خیرات کی رقم استعمال کر سکتے ہیں۔مزید معلومات و مشورہ کے لیے رابط کریں۔
شاہدخان:۔8265-9335-090 نواب علی :۔ 8093-2318-090 امتیاز احمد:۔9939-3382-090
