سائیتاما: پولیس نے جمعرات کو کہا کہ انہوں نے کوشی گایا شہر، صوبہ سائیتاما میں قتل عمد کی کوشش کرنے والے تین نوجوانوں کو گرفتار کیا ہے۔ 18 سال کی عمر کے تینوں نوجوانوں نے مبینہ طور پر بدھ کو ان میں سے ایک کی گرل فرینڈ کی ماں کو ہتھوڑے کی مدد سے بری طرح پیٹا۔
پولیس نے کہا کہ تینوں نے خاتون کو سر میں درجنوں بار ضرب لگائی، جس سے اس کی کھوپڑی کا ایک حصہ چٹخ کر اندر کو گھس گیا۔
ٹی وی آشی کی رپورٹ کے مطابق بظاہر لڑکے خاتون کے گھر میں انتظار کر رہے تھے، اور اس پر تب حملہ آور ہوئے جب وہ 5 بجے شام ایک جزوقتی نوکری سے واپس لوٹ رہی تھی۔ سر پر شدید ضربوں کے باجود خاتون قریبی عمارت کے دفتر تک بھاگنے میں میں کامیاب رہی اور اس نے پولیس کو کال کی۔ جب پولیس وہاں پہنچی تو لڑکے ابھی تک اس کے گھر میں ہی تھے جنہیں فوراً حراست میں لے لیا گیا۔
ٹی وی آشی کی رپورٹ کے مطابق لڑکوں میں سے ایک نے اعتراف کیا کہ ان کا ارادہ خاتون کو قتل کرنے کا تھا لیکن اس نے کوئی وجہ نہ بتائی۔
1 comment for “3 نوجوان دوست لڑکی کی ماں کو پیٹنے پر گرفتار”