یوکوہاما: نسان موٹر کمپنی نے نسان گلوبل ایپ کا اجرا کر دیا ہے، جو ایک آئی پیڈ اطلاقیہ ہے جو نسان کی جانب سے مہیا کی گئی پوری دنیا کی خبریں، نسان کی تاریخ کے بارے میں معلومات اور ایڈوانس ٹیکنالوجیز کے بارے میں مواد پیش کرتی ہے۔ یہ اطلاقیہ آئی ٹیونز ایپ اسٹور سے مفت اتارا جا سکتا ہے۔
تازہ ترین خبروں کا خانہ نسان گلوبل اور پوری دنیا میں واقع نسان کی ویب سائٹس سے خبریں مہیا کرتا ہے، جبکہ سوشل میڈیا چینلز سے ویڈیو اور ٹیکسٹ مواد مہیا کرتا ہے۔ تمام تر معلومات آسان رسائی کے لیے ایک ہی اسکرین میں جمع کر دی گئی ہیں۔
نقشوں کا حصہ دنیا کے کسی مخصوص ملک سے نسان کی مہیا کی گئی معلومات تک براہ راست رسائی فراہم کرتا ہے جو نقشے کی اسکرین پر متعلقہ ملک منتخب کرنے سے سامنے آ جاتی ہیں۔
ایکسپلورر کا فنکشن ان عنوانات کی فہرست فراہم کرتا ہے جو نسان کے کسٹمرز کے زیر بحث ہوں۔ ایک بار جب صارفین اپنی دلچسپی کی معلومات منتخب کر لیں تو متعلقہ آئٹمز ایک کے بعد ایک ظاہر ہوتی چلی جاتی ہیں، جس سے نسان کے بارے میں تازہ ترین معلومات تک تیز اور موثر انداز میں رسائی ممکن ہو جاتی ہے۔
