ناگانو: پولیس نے جمعرات کو کہا کہ انہوں نے پی کر کار چلانے والے ایک ڈرائیور، جس کی کار نے 5 نومبر کو رات ساڑھے بارہ بجے ناگانو میں ٹکر مار کر بھاگ جانے کے ایک واقعے میں مبینہ طور پر دو لڑکیوں کو ٹکر ماری جن میں سے ایک مرگئی، کے ساتھ سواری کرنے والے مسافر کو زیر حراست لیا ہے۔
این ٹی وی کی رپورٹ کے مطابق، 20 سالہ تسوباسا میازاوا کے بارے میں خیال ہے کہ وہ اپنے 19 سالہ دوست، جسکا نام نابالغ ہونے کی وجہ سے ظاہر نہیں کیا جاسکتا، کے ساتھ شراب پی رہا تھا، جس کے بعد اس نے اسے گھر چھوڑنے کی پیش کش کی۔ پولیس نے کہا کہ کار ٹکر مار کر بھاگنے کے ایک حادثے میں ملوث ہوئی جس میں دو 17 سالہ لڑکیاں کچلی گئیں۔ ان میں سے ایک بعد میں ہسپتال میں جاں بحق ہو گئی۔
این ٹی وی کی رپورٹ کے مطابق، پولیس کے سوال و جواب کے دوران، میازاوا نے تفتیش کاروں کو بتایا کہ اس کا نہیں خیال تھا کہ اس کا دوست پئے ہوئے ہے۔
جاپانی قانون کے تحت پی کر کار چلانے والے ڈرائیور کے ساتھ سواری کے نتیجے میں دو سال کی سزا یا تین لاکھ ین تک جرمانے کی سزا ہو سکتی ہے۔
