اولپس کارپ نے بدھ کو نظر ثانی شدہ آمدنی رپورٹ جمع کرا کے ٹوکیو اسٹاک ایکسچینج سے ڈی لسٹ ہونے کا خطرہ ٹال دیا۔
کمپنی نے اپنی تصحیح شدہ درستاویزات میں ستمبر کو ختم ہونے والی سال کے پہلی ششماہی کے لیے 32.3 بلین ین کا نقصان ظاہر کیا، جو پچھلے سال کی اسی ششماہی کے 3.8 بلین ین کے منافع کا الٹ ہے۔
پانچ سال پیچھے تک جانی والی آمدنی رپورٹس کی دستاویزات کے پلندے مالیاتی نگرانوں نے ڈیڈ لائن ختم ہونے سے تین گھنٹے پہلے قبول کیے۔
دو آڈٹنگ کمپنیاں، جس میں ماضی اور موجودہ دونوں شامل ہیں، نے تصحیح شدہ آمدنی رپورٹس کی تصدیق کی۔ کمپنی کی غلط اکاؤنٹنگ اب بھی اس کی ڈی لسٹنگ کا سبب بن سکتی ہے۔
اولمپس کی طرف سے 1.5 بلین ڈالر کے سرمایہ کاری نقصانات تیس سال پرانے ہیں، جو سابقہ صدر اور چیف ایگزیکٹو مائیکل ووڈفورڈ کی وجہ سے منظر عام پر آئے، جنہوں نے بڑے بڑے مشیرانوں اور مہنگی خریداریوں پر سوال اٹھایا تھا۔
51 سالہ ووڈفورڈ ایک نایاب غیرملکی اور برطانوی شہری ہیں جس نے کسی جاپانی کمپنی کی سربراہی کی، انہیں اکتوبر میں برطانوی کمپنی گائرس گروپ کی 2008 میں مہنگی خریداری کے معاہدے پر سوال اٹھانے پر برطرف کر دیا گیا تھا۔
وہ اس ہفتے جاپان لوٹے ہیں تاکہ سرمایہ کاروں اور قانون سازوں سے ملاقات کریں اور اولمپس کی باگ ڈور پھر سے سنبھالنے کی کوشش کر سکیں۔
