پولیس نے جمعے کو چینی قیدی کو گرفتار کر لیا جس کے لیے قومی سطح پر تلاشی مہم شروع کر دی گئی تھی۔ یہ قیدی دو دہائیوں میں جاپان میں جیل توڑنے کے پہلے واقعے میں قیدیوں کا لباس پہنے صرف اپنے انڈروئیر میں ہیرشیما جیل سے بھاگ گیا تھا۔
پولیس نے لی گئولن، عمر 40، اقدام قتل کے جرم میں 23 سال کی سزا کاٹنے والے، کو ہیروشیما میں ساڑھے چار بجے شام ایک ایلمنٹری اسکول کے نزدیک سے ڈھونڈا۔
پولیس نے کہا کہ اسے علاقے میں گشت کرنے والے تین افسران نے جیل سے قریباً دو کلومیٹر شمال میں دیکھا تھا۔ پولیس نے کہا کہ اس کا ڈی این اے رہائش گاہ میں واقع بئیر کین پر لگے لعاب دہن میں پایا گیا تھا۔
لی، جسے نقب زنوں کے ایک گروہ کا سرغنہ تسلیم کیا جاتا ہے، کو 2005 میں پولیس والے کو مارنے اور اسکواڈ کار چرانے پر زیر حراست لیا گیا تھا۔
لی کی تلاش کے لیے قریباً آٹھ سو پولیس افسران کو ذمہ داری سونپی گئی تھی۔
بدھ کو ہونے والے فرار ہیروشیما جیل کی تاریخ کا پہلا فرار تھا۔ وزارت انصاف کے ایک اہلکار کے مطابق جاپان میں جیل توڑنے کا پچھلا واقع 1989 میں ایک قیدی کے ہاتھوں واقع ہوا تھا۔
لی، جیل کی عمارت کے اندر سے چاردیواری پر چڑھنے میں کامیاب رہا تھا، اور اس نے 4.5 میٹر اونچی دیوار پر سے اترنے کے لیے مچانوں کا استعمال کیا۔ دیوار زیر مرمت تھی۔
