کوبے: پولیس نے پیر کو کہا کہ انہوں نے ایک 39 سالہ عورت کو کوبے میں اپنے پانچ سالہ بچے کو مبینہ طور پر قتل کرنے پر گرفتار کیا ہے۔
پولیس کے مطابق، یوریکو سوگینو کے نام سے شناخت کی جانیوالی مشتبہ خاتون آل نیپون ائیر لائنز (اے این اے) میں کیبن اٹینڈنٹ کے طور پر کام کرتی ہے۔ وہ میٹرنٹی لیو پر تھی اور اپنی ماں، باپ اور نومولد بچے کے ساتھ ہیگاسینادا وارڈ کے ایک اپارٹمنٹ میں رہ رہی تھی، جبکہ بچے کا باپ ٹوکیو میں رہتا اور کام کرتا تھا۔
پولیس کا کہنا ہے کہ سوگینو نے اتوار کی صبح دس بجے اپنی ماں کے ساتھ ناشتے پر ملاقات کی تو اس کا بچہ اس کے پاس نہیں تھا۔ پولیس کے مطابق، سوگینو کی ماں نے اس سے بچے کے بارے میں پوچھا، جس پر اس نے بتایا کہ اس نے اپنے بچے کا گلہ گھونٹ دیا ہے۔
سوگینو کی ماں نے اس کے بعد پولیس سے رابطہ کیا اور بچے کو قریبی ہسپتال لے جایا گیا لیکن اسے بعد میں مردہ قرار دے دیا گیا۔
پولیس کی تفتیش کے دوران سوگینو نے پولیس کو بتایا کہ اسے ماں بننا پسند نہیں تھا اور اسے بچہ پالنے کے خیال سے ناپسندیدگی ہونے لگی تھی۔
