چیبا: پیر کی صبح ایک سابقہ گینگ ممبر کو توگینی بائی پاس کے نزدیک صوبہ چیبا میں ڈینیز کے ریستوران میں فائرنگ کر کے قتل کر دیا گیا۔ پولیس کے مطابق بندوق بردار فائرنگ کرنے والا ریستوران سے بھاگ گیا اور ابھی تک مفرور ہے۔
پولیس کے مطابق، 62 سالہ مقتول، جس کی شناخت یوشیاکی فوروکاوا کے نام سے ہوئی ہے، ایک کرائم سنڈیکیٹ کا سابقہ رکن تھا۔ وہ صبح نو بجے چار دوسرے آدمیوں کے ساتھ ریستوران میں آیا۔
گواہوں کے مطابق، قریباً صبح دس بجے ایک اور آدمی ریستوران میں داخل ہوا جو 60 سال کی عمر کا دکھائی دیتا تھا۔ فوروکاوا اس کے پاس گیا اور انہوں نے دروازے کے قریب کھڑے ہو کر کچھ بات کی، اس کے بعد اس آدمی نے گن نکالی اور فوروکاوا کو سینے میں گولی مار دی۔
