اوساکا: پولیس نے منگل کو بتایا کہ کاشیوادا، صوبہ اوساکا میں پیر کی رات ہونے والے ایک حادثے میں تین لوگ ہلاک جبکہ چار زخمی ہو گئے۔
پولیس کے مطابق، یہ حادثہ شام پانچ بجے کے قریب روٹ 40 کے ایک چوک پر پیش آیا جب چھ سواروں پر مشتمل ایک کار کے 83 سالہ ڈرائیور نے دائیں مڑنے کی کوشش کی اور سامنے سے آنے والے ٹرک سے ٹکرا گیا۔
پولیس نے کہا کہ تین مسافر ٹکراؤ کے عین موقع پر ہی ہلاک ہو گئے، جن میں سے دو 70 کے پیٹے میں جبکہ ایک 82 سالہ آدمی تھا۔ چار دوسرے افراد کو زخم لگے ہیں، جن میں کچھ کی حالت نازک بیان کی جاتی ہے۔
پولیس نے کار کے بوڑھے ڈرائیور تسوتائی تاکاموتو کو حراست میں لے لیا ہے اور واقعے کے بارے میں جانکاری کے لیے اس سے تفتیش کر رہی ہے۔
