توقع ہے کہ ایپل سات مارچ کو سان فرانسسکو میں ہونے والی ایک تقریب میں آئی پیڈ کے نئے ورژن کی نقاب کشائی کرے گا۔
ایپل نے منگل کو خبر رساں اداروں کو دعوت نامے بھیجے ہیں جن پر آئی پیڈ اسکرین کے ایک حصے کی تصویر نمایاں ہے۔ بڑے پیمانے پر توقع کی جا رہی تھی کہ آئی پیڈ 2 کی سالگرہ قریب آنے کے موقع پر کمپنی اس مقبول ترین ٹیبلٹ کمپیوٹر کے تیسرے ورژن پر سے پردہ اٹھائے گی۔
یہ تقریب اگلے بدھ کو یربا بیونا سنٹر فار دی آرٹس تھیٹر میں منعقد ہو گی جہاں ایپل اپنے زیادہ تر بڑی تقریبات منعقد کرتا ہے۔
2010 میں پہلا آئی پیڈ جاری کرنے کے بعد سے اب تک امریکہ اور دوسرے امیر ممالک میں روایتی کمپیوٹروں کی فروخت میں کمی آئی ہے۔
