ٹوکیو: جاپان نے شمالی کوریا کی طرف سے راکٹ لانچ کا معائنہ کرنے کے لیے مبصرین بھیجنے کی دعوت مسترد کر دی ہے جسے ٹوکیو اور اس کے اتحادی میزائل ٹیسٹ کے لیے آڑ کا نام دیتے ہیں۔
“یہ غیر مناسب ہے کہ جاپانی مبصرین راکٹ لانچ کے معائنے کا حصہ بنیں،” اعلی حکومتی ترجمان اوسامو فوجیمورا نے تصدیق کرتے ہوئے کہا کہ پیانگ یانگ نے جاپان کی ایروسپیس ایکسپلوریشن ایجنسی کے مبصرین کو دعوت دی تھی۔
“جاپان نے شمالی کوریا سے کہا ہے کہ راکٹ لانچ نہ کرے،” انہوں نے کہا۔
پیانگ یانگ نے کہا ہے کہ وہ 12 سے 16 اپریل کے دوران مدار میں سیٹلائٹ چھوڑے گا جس کا مقصد بانی صدر کِم اِل سُنگ کی 100 ویں سالگرہ کو یادگار بنانا ہے، اور اس کا کہنا ہے کہ یہ پرامن مقاصد کے لیے ہے۔
