ٹوکیو: پولیس نے بدھ کو کہا کہ ٹوکیو کے شیناگاوا وارڈ میں ایک ٹی جنکشن پر ٹرک سے ٹکرانے کی وجہ سے ایک 9 سالہ بچی جاں بحق ہو گئی۔ پولیس نے کہا کہ حادثہ منگل کی دوپہر قریباً ساڑھے تین بجے پیش آیا۔
عینی شاہدین کے مطابق، 9 سالہ رےئی ماتسودا سائیکل چلا رہی تھی اور اس نے یک رویہ سڑک میں بائیں طرف موڑ کاٹا، اور اسی وقت اس کی سائیکل گر پڑی۔ اس کے بعد اس کی ایک دو ٹن کے ٹرک سے ٹکر ہو گئی۔ اسے ہسپتال لے جایا گیا جہاں اس کی موت کی تصدیق کر دی گئی۔
پولیس اب بھی حادثے کی تفصیلات کا جائزہ لے رہی ہے۔
