پولیس نے جمعے کو کہا کہ انہوں نے ایک ٹرک ڈرائیور کو حراست میں لیا ہے جب اس کی گاڑی نے ٹوکیو کے ایتاباشی وارڈ میں ایک موٹر سائیکل سوار کو ٹکر مار دی، جس سے وہ ہلاک ہو گیا۔
پولیس کے مطابق یہ واقعہ جمعرات کی صبح سات بجے کے قریب رونما ہوا۔ عینی شاہدین کا کہنا ہے کہ 35 سالہ نوبوآکی سوزوکی کے نام سے شناخت کیا جانے والا موٹر سائیکل سوار نیشنل روٹ نمبر 17 پر یکلخت رک جانے والی ٹیکسی سے بچنے کے لیے ترچھا ہوا اور بائیک سے گر پڑا۔ اسے 11 ٹن کے ایک ٹرک نے ٹکر مار دی جسے 58 سالہ کینجی اتسوکاوا چلا رہا تھا۔
اتسوکاوا نے ٹرک روکا نہیں اور چلتا رہا حتی کہ قریباً ایک گھنٹے کے بعد وہ کاواگوئے شہر،صوبہ سائیتاما کے ایک پولیس اسٹیشن پر نمودا ہوا اور کہا کہ اس نے شاید کسی کو ٹکر مار دی ہے۔
