ٹوکیو: 16 سال کی عمر کے چار لڑکوں کو غیر ارادی قتل کے جرم میں گرفتار کیا گیا ہے جنہوں نے ٹوکیو کے ایدوگاوا وارڈ میں پیر کی صبح ایک 16 سالہ واقف کار لڑکے کو مبینہ طور پر اتنا پیٹا کہ وہ جان سے ہاتھ دھو بیٹھا۔
لڑکا، جس کا نام یوجی ناکاہاشی پتا چلا ہے، پیر کی رات ساڑھے بارہ سے ڈیڑھ بجے کے مابین ویلفیئر سنٹر کے دروازے کے قریب پیٹا گیا۔ ایمرجنسی سروسز کے مطابق، لڑکے پر حملہ کرنے والوں میں سے ایک نے ایمبولینس کے لیے کال کی، اور دعوی کیا کہ ناکاہاشی ایک عوامی مرکز کے قریب زمین پر بے ہوش و حواس پڑا ہوا ہے۔
تفتیش کے دوران ایک لڑکے نے پولیس کو بتایا، “وہ ہمیں نظر انداز کر رہا تھا چناچہ ہم غصے میں آ گئے اور اسے پیٹ ڈالا”۔
