ٹوکیو: ٹوکیو کے سیتاگایا وارڈ میں جمعے کو علی الصبح ایک مکان میں آگ لگنے سے تین افراد ہلاک ہو گئے۔
پولیس کے مطابق سیتاگایا کے میاساکا نامی علاقے میں ایک دو منزلہ لکڑی کے مکان میں صبح چھ بجے سے قبل آگ لگی۔ ایک مقامی رہائشی نے مکان سے سیاہ دھواں اٹھنے کی اطلاع دی۔ فائر فائٹرز کی آمد تک شعلے دو ہمسایہ گھروں تک پھیل چکے تھے۔ فائر فائٹرز کو آگ بجھانے میں ایک گھٹنے کا وقت لگا۔
پولیس نے کہا کہ شکار بننے والے تینوں افراد اس مکان میں تھے جہاں سے آگ شروع ہوئی اور خیال ہے کہ ان میں 80 کے پیٹے میں ایک جوڑا اور ان کی ایک بیٹی شامل تھی جو چالیس کے پیٹے میں تھی۔ ان کے نام ابھی جاری نہیں کیے گئے۔
پولیس نے کہا کہ دوسرے مکانوں میں کوئی فرد زخمی نہیں ہوا۔
