یاماناشی: پولیس نے جمعرات کوکہا کہ ایک بوڑھے آدمی پر کوفو، صوبہ یاماناشی میں ایک ریچھ نے حملہ کیا۔
آدمی، جو ساٹھ کے پیٹے میں تھا، نے پولیس کو بتایا کہ وہ بدھ کو شام پانچ بجے کے قریب اپنے چاول کے کھیتوں میں پانی کی سطح چیک کرنے گیا تھا جب اس پر قریباً ایک میٹر لمبے ایشیائی سیاہ ریچھ نے حملہ کر دیا۔ آدمی کا سر اور شانے اس حملے میں زخمی ہوئے تاہم وہ بھاگنے میں کامیاب ہو گیا اور اپنے گھر لوٹا جہاں آ کر اس نے ایمبولینس کو اطلاع دی۔
ڈاکٹروں کا کہنا ہے کہ اس کے زخم شدید نہیں تھے اور پولیس مقامی لوگوں پر زور دے رہی ہے کہ وہ جانور کے بارے میں محتاط رہیں۔ شکاریوں کو بھی تیار رہنے کو کہہ دیا گیا ہے تاکہ ضرورت پڑی تو ریچھ کو مار گرایا جائے۔
