ٹوکیو: ٹوکیو کوسٹ گارڈ آفس نے بدھ کو کہا کہ ایک سالہ ہمبولٹ پینگوئن، جو دو ماہ قبل ٹوکیو سی لائف پارک میں اپنے پنجرے کی چار میٹر اونچی چٹان پر چڑھ کر اور خار دار تار پھلانگ کر بھاگ گیا تھا، کو خلیج ٹوکیو میں دیکھا گیا ہے تاہم اسے پکڑنے کی کوشش ناکام ہو گئی ہے۔
کوسٹ گارڈ کی ایک گشتی کشتی اور امدادی جہاز نے اس ہفتے کے شروع میں خلیج ٹوکیو میں ایک گھنٹے تک پینگوئن کی نگرانی کی تھی لیکن وہ اس کے قریب نہ جا سکے۔
