ٹوکیو: ٹیبلائڈ میڈیا نے منگل کو رپورٹ دی ہے کہ ماڈل اور ٹیلی وژن شخصیت 38 سالہ رئیے ہاسیگاوا نے پچھلے ہفتے 47 سالہ بوائے فرینڈ سے شادی کر لی۔
سانکےئی شمبن کے مطابق ہاسیواگا اور ان کے خاوند نے اوریگون میں ایک علامتی تقریب کا اہتمام کیا، جہاں یہ جوڑا اکٹھے میراتھن ریس کی تربیت حاصل کیا کرتا تھا۔
اپریل میں جوسئی سیون میگزین نے اطلاع دی تھی کہ ہاسیگاوا اور ان کے بوائے فرینڈ، جو کافی چین مینجمنٹ کمپنی کا ایک نمائندہ ڈائریکٹر ہے، پہلے بچے کے ماں باپ بننے والے ہیں۔ یہ بھی اطلاع دی گئی تھی کہ اس جوڑے کو ٹوکیو کے اعلی طبقے کے زیورات کے اسٹور میں اکٹھے جاتے دیکھا گیا ہے۔ تاہم، اس وقت ذرائع نے کہا تھا کہ یہ جوڑا جون میں شادی کرنے کی تیاری کر رہا ہے۔
ہاسیگاوا کی ٹیلنٹ مینجمنٹ کمپنی نے میڈیا مراکز کو ایک فیکس بھیجا جس میں وضاحت کی گئی تھی کہ جوڑا اپنی شادی کے کاغذات ابھی تین جون کو جاپان میں جمع کروانے کی تیاری کر رہا ہے۔ ان کے ہاں نومبر میں پہلا بچہ ہونے کی امید ہے۔
