ٹوکیو: وزارتِ صحت، محنت، اور بہبود 775 نیم قانونی جڑی بوٹیوں کا درجہ بدلے گی تاکہ جاپان میں ‘جڑی بوٹیوں’ کے بڑھتے ہوئے استعمال سے نپٹا جا سکے۔
“ہابو” (جڑی بوٹیوں یا ہربز)، یا سقم والی ادویات جن میں بعض اوقات ہذیان پیدا کرنے والے مرکبات ہوتے ہیں، کی تمباکو نوشی حالیہ برسوں میں جاپان میں ایک بڑھتا ہوا مسئلہ بن رہی ہے۔ ان بے ضابطہ مصنوعات نے سنجیدہ طبی مسائل پیدا کیے ہیں، اور بعض اوقات موت کی وجہ بھی بن چکی ہیں، جبکہ قانون اس سلسلے میں قدم سے قدم ملانے میں ناکام رہا ہے۔
بڑی تعداد میں زیر گردش ان ادویات اور ان کی اقسام کی فروخت اور ملکیت کو موثر انداز میں کنٹرول کرنے کے لیے وزارتِ صحت نے جمعرات کو 775 مصنوعی ریشے کی اقسام کو غیر قانونی قرار دینے کے منصوبے کا اعلان کیا۔
وزارت نے کہا کہ قانون میں آنے والی یہ تازہ ترین تبدیلی بڑی تعداد میں “جڑی بوٹیوں” کو کور کرتی ہے، جن میں 90 مختلف اقسام کے تحرک انگیز اور ہذیان انگیز مرکبات موجود ہیں، جبکہ اس کا مقصد اس مسئلے سے جامع انداز میں نمٹنا ہے۔
وزارت نے کہا کہ قانون میں تبدیلی اگلے سال فروری سے نافذ العمل ہو گی۔ اس وقت کے بعد ان ادویات کی پیداوار یا فروخت کے قصوروار پائے جانے والوں کو جرمانے یا سزائے قید کا سامنا ہو گا۔
