ٹوکیو: جاپان کے قومی انتخابات میں قدامت پسندوں کی جیت کے بعد کمزور تر (سستے) ین کی پشت پر سوار نِک کےئی 225 انڈیکس آٹھ ماہ سے زیادہ کے عرصے میں پہلی بار بدھ کو 10,000 کی حد سے زیادہ پر بند ہوا۔
نِک کےئی بنچ مارک میں 2.39 فیصد، یا 237.39 کا اضافہ ہوا، جو ٹوکیو اسٹاک ایکسچینج میں بھاری لین دین کے بعد 10,160.40 تک پہنچ گیا، جو اپریل کے شروع کے بعد سے دس ہزار کی نفسیاتی حد پار کرنے کا پہلا موقع ہے۔ اولین سیکشن کے تمام تر حصص کے وسیع تر ‘ٹاپکس’ انڈیکس میں 2.75 فیصد، یا 22.49 پوائنٹس کا اضافہ ہوا اور وہ 839.34 پر پہنچ گیا۔
جاپان کی نو منتخب شدہ قدامت پسند حکومت نے بدھ کو کہا کہ وہ 118 ارب ڈالر مالیت کا ایک جسیم اخراجاتی پیکج جاری کرے گی جس کا مقصد لنگڑی قومی معیشت میں جان ڈالنا ہے۔
سرمایہ کار زیادہ تر اعداد و شمار سے لاتعلق نظر آئے جن سے پتا چلا تھا کہ نومبر میں ایک برس قبل کے مقابلے میں تجارتی خسارہ 38 فیصد کے قریب وسیع ہو گیا، جو دنیا کی تیسری بڑی معیشت کے لیے افسردہ اعداد کا تازہ ترین پُور ہے۔
